العنيدة!

lorette.shamiyeh 1 اسابيع العنيدة!
العنيدة!

العنيدة!
كان فيه ولد اسمه عماد فى سنة خامسة مكنش بيرضى يحضر مدارس احد خالص..
كل الخدام كانوا بيفتقدوه ويتصلوا بيه ويزهقوا منه ويسبوه..
لحد ما تركوه خالص بعد ما يأسوا منه..
جم فى يوم من غير ما حد ما يتصل بيه منهم ولا يفتقده 
لقيوه قاعد وسط اخواته فى مدارس احد..
حتى ابونا كان يعرفه شخصيا واستغرب بسبب حضوره المفأجى..
وبعد ما مدارس احد خلصت ابونا سأله ..
ايه السر يا بطل اللى خلاك تيجى مدارس احد احكيلى..
راح الواد شاورله على خادمة وقاله هى دى..
راح ابونا بص لقى تاسونى مادونا الطالبة المغتربة اللى لسه نازلةالخدمة من اسبوع ..
راح ابونا قاله احكيلى مالها دى ؟
قاله زهقتنى يا ابونا كل يوم تيجى عندنا البيت تقولى تعالى الكنيسة كل ما تشوفنى فى الشارع بالصدفة تقولى تعالى الكنيسة كل ما تشوف بابا وماما ولا اختى تقولهم خلى عماد يجى الكنيسة ساعات بلقاها مستنيانى على باب المدرسة وبتقولى عايزة اشوفك فى مدارس احد ..
فى يوم قفلت فى وشها الباب وفى يوم قعدت تخبط نص ساعة وكنت عامل نفسى نايم لحد ما زهقت وقومت فتحتلها وشتمتها عشان الازعاج بتاعها دا ..
ومع ذلك برضه بقت تعدى على تانى ..
فى يوم كان الجوء رمل ومطر وكل الناس فى البيوت 
والاقى دى جيالى ولا معاها شمسية ولا اى حاجة وهدومها كلها متبللة وجزكتها اتقطعت وخبطت عليا وقالتلى هتيجى بكرة مدارس احد وكان فيه دموع فى عنيها وببص على جزمتها لقيتها اتقطعت من كتر المشى.. فقلتلها لا ومتجيش عندى تانى فقالت خلاص مش هاجى عندك تانى وقعدت تتأسف على الازعاج اللى كانت بتعملهولى وقالتلى انا بس كنت بعاندك عشان تيجى الكنيسة الكنيسة حلوة ومشيت وسابتنى..
ببص من البلكونة لقيتها اتزحلقت فى مية المطر والطين غرقها ..
افتكرت مشهد فى فيلم المسيح وهو بيقع على الارض بالصليب..
ومن غير ما احس ناديت عليها تاسونى تاسونى 
فبصتلى فقولتلها انا جاى مدارس احد بكرة..
واهو يا ابونا ادينى جيت..
ابونا بكى من شدة تفاصيل القصة دى ..
وقعد يبكى لما شاف بنت صغيرة باحتمالها عرفت تجيب خروف كان هيضيع مقدرش ولا هو ولا الخدام يجبوه..

#العند..الحب..الخوف على المخدوم..الاحتمال..
بلاش فكرة يجى شالله عنه ماجه 🙂
اعندوا هاتوا خرفان بالاحتمال والعند لربنا
مش هتحس بطعم الخدمة الحقيقى وجمالها غير لما تتمرمط
عشان تكسب نفس للمسيح ساعتها هتبقى مبسوط لدرجة يصعب شرحها.

شارك بكتابة تعليق

قم بتسجيل الدخول لكتابة تعليق

أبحث عن ..